دي أقوى حاجة في المنتج وأكتر واحدة محتاجة موقف واضح، فمش هنلفّ حواليها. المتقرر: سجل مش حكم، ومفيش لا تقييم ولا تصنيف لأي عميلة. شكل البيانات اللي بتتشارك بين المتاجر بالظبط، وإيه اللي العميلة نفسها بتشوفه وتقدر تشيله، لسه بيتحدد، وهيتكتب هنا أول ما يتقفل.
محاكاة
تجهيز الشحن
يع
ياسمين عليأوردر #1042
890 ج.م
فستان صيفي، مقاس Mدفع عند الاستلام
من سجل الأوردرات على الشبكة
العميلة دي رفضت 3 من آخر 4 أوردرات عند الاستلام.
الأوردر اللي اتسلم كان من نفس المتجر ده، الشهر اللي فات. الباقي رجع من الباب.
دي بيانات، مش رأي. القرار قرارك.
الشبكة
عميلتك اشترت من متجر تاني عندنا قبل كده، فبتشتري منك بضغطة واحدة.
كل متجر بيبدأ من الصفر عادةً: العميلة بتكتب كل حاجة من الأول، وجزء منهم بيسيب في النص.
هنا هوية العميلة بتخص الشبكة مش متجر واحد. رقم متأكد منه، وعنوان اتأكد مرة على الخريطة. براند فتح إمبارح بياخد سلوك شراء متاجر عندها سنين.
المتجر أ، أول مرة
دلتا
فستان كتان صيفي
1,450 ج.م
دلتا
المتجر ب، أول مرة برضه
نوفا
حذاء رياضي980 ج.م
معروفة عندنا من الشبكة
رقمك وعنوانك اتأكدوا قبل كده في متجر تاني
نوفا
الفرق
نفس الحاجة بتتعمل مرتين. مرة واحدة بتتحمل تكلفة أول مرة كاملة، ومرة التكلفة دي اتدفعت قبل كده في مكان تاني.
الذكاء
الموديل ده عندك أقل سعراً من متاجر شبهك بـ 15%.
الملاحظة جاية من اللي بيتباع حواليك فعلاً، في نفس الصنف وفي نفس شريحة السعر، ومعاها الدليل.
وبتقف عند كده. القرار قرارك. انت عارف شغلك أحسن مننا، وإحنا عارفين الرقم أحسن منك.
من السوق
الموديل ده أقل سعرًا من متاجر شبهك بـ 15%
بناءً على أسعار 6 متاجر تانية بيبيعوا نفس الفئة في نفس المنطقة.
الشبكة
ناس في نفس مكانك بالظبط، مش مركز دعم.
منتدى، ولقاء كل شهر، وجلسة استشارة شهرية داخلة في الاشتراك وبتتعمل برّه التطبيق.
السوفتوير ممكن يتقلد. أوضة فيها أصحاب براندات بيتكلموا مع بعض، لأ.
مش جولة في التطبيق ومش إيميل ترحيب. بتجاوب على أسئلة والشغل بيحصل ورا، فالانتظار مش بيبان انتظار.
آخر العشر دقايق: متجر فيه منتجاتك، وقراءة للي واقف قدامك، وخطوة واحدة واضحة بعدها.
أسئلة بتتسأل قبل أي حاجة.
هو ده مجرد موقع تاني؟
الموقع أسهل حاجة في الموضوع. اللي بعده هو الشغل: تتبع بيفرق بين أوردر اتطلب وأوردر اتستلم، وشهر بيتقفل بالمرتجعات في مكانها، وسجل العميلة قبل ما تشحن.
أنا مش بفهم في التكنولوجيا.
مش مطلوب منك تفهم. العشر دقايق بتخلص وانت معاك متجر حقيقي فيه منتجاتك، من الموبايل، من غير لابتوب ومن غير حد تقني.
دي هتاخد مني وقت أنا مش فاضي له.
مش هنطلب منك تكتب الكتالوج. بنستورده من إنستجرام وبنجهز العناوين والأوصاف من صورك، وانت بتراجع وتعدّل.
عملائي بيحبوا يسألوا في الرسايل.
والمتجر مش هيلغي الكلام ده. هو بس بيشيل السؤال العشرين اللي إجابته كان المفروض تكون مكتوبة من الأول.
بياناتي وبيانات عملائي في أمان؟
السؤال ده بنجاوب عليه على طول ومش بنلفّ حواليه. المتقرر إن اللي بيظهر لأي تاجر سجل مش حكم، ومفيش تصنيف لأي عميلة. شكل البيانات اللي بتتشارك بين المتاجر لسه بيتحدد، ولما يتقفل هيتكتب هنا.
السعر كام، وبدفع إزاي؟
الاشتراك هو مصدر دخلنا، والرقم لسه مش متقفل، فمش هنخترعه هنا. المتقرر إن مفيش فيزا بالدولار في طريقك في أي خطوة.
ذا ستوور
فستان صيفي، مقاس Mدفع عند الاستلام
